Xiinxala Itti Fayyadama Ogafaanii kitaaba Asoosama Dukkana Barii Jalaa

Abstract

Qorannoon kun xiinxala itti fayyadama og-afaan kitaaba asoosamaa Dukkana Barii Jalaa irratti kan xiyyeeffate yemmuu ta‟u, kaayyoon qorannichaas itti fayyadama og-afaanii asoosama Dukkana Barii Jalaa xiinxaludha.Qorattuun kunis akkaataa itti fayyadama og-afaanii kitaabicha keessa jiru ilaalchisee og-afaan jiran xiinxaluu, yemmuu ta‟u, gosoota og- afaanii asoosamicha keessa jiru, haala barreessaan og-afaaniitti fayyadamee barreesse ilaaluufi filannoo jechoota achi keessatti argaman addaan baasuun xiinxalamera.Malli qorannoo kanaa, mala akkamtaa yoo ta‟u mala xinxala barruutti fayyadamuun ragaan xiinxalameera. Malli iddatteessuu dhimma itti bahame ammoo mala miti carraa keessaa mala iddattoo akkaayyooti Haaluma kanaan, Odeeffannoo mala sakata‟iinsa kitaabatiin funaaname.afooloota kitaabicha kana keessatti argamanirratti kan xiyyeeffateedha. Kitaabicha fuula jalqabaa irraa kaasuun hanga dhumaatti kan sakatta‟ame yoo ta‟u, erga ragaa barbaachisaa ta‟e kitaabicha keessaa qorattuun funaannate booda haala walfakkeenya isaaniitiin mata duree garaagaraa jalatti qoqqooduun xiinxalameera. Dhuma irratti ragaalee argaman irratti hundaa‟uudhaan argannoon armaan gadii bira gahameera: barreessaan kun rakkoolee hawaas-dinagdee keessa jiru gadi fageenyaan afoolaatti gargaaramee kan baase ta‟uu, dhiibbaa hawaasummaan shamarran baay‟ee irratti gama qoccolloo saalaatiin rakkoon kan gahu ta‟uu asoosamicha keessatti ibseera, gosoonni afoolaa ibsamanis kanneen akka mammaaksa, abaarsa, eebba, malleen dubbii, weedduufi faaruuleen garaagaraa kan keessatti hammataman ta‟uu qorattuun kun bira geesseeti. Akka yaboottis xiyyeeffannoo olaanaan itti kennamee afoolatti gargaaramuun barreessuun og-afaan sun barreeffamaan akka taa‟uufi walitti dhufeenyi afoolaafi og-barruu barreeffamaa gidduu jiru ilaaluuf faayidaa olaanaa waan qabuuf, barreessitoonni biros fuulduratti xiyyeeffannoo akka itti kennaniif akka yabootti taa‟ee jira