Qaacceessa Geerarsoota Haacaaluu Hundeessaa yaaxxina fayyadeesummaatiin

Abstract

Qorannoon kun Geerarsoota Haacaaluu Hundeessaa Yaaxxina Fayyadeesummaan Qaacceessuu irratti xiyyeeffata.Kaayyoo guddaan qorannoo kanaa,Geerarsootaa Haacaaluu gama siyaasan, hawaasummaanifi dinagdeen qaban maal maal akka ta’e,fayyadamni afaanii geerarsoota kana keessatti argaman kanneen akkamii akka ta’e,adda baasuufi maaliif akka fayyadu ibsuu ta’a.Qorannoo kanaa galmaan ga’uuf meeshaaleen elektironiksii,funaansa ragaafi waraabbii sagalee kanneen akka kaaseettiifi siidii sagalee waraabamee jiru gara barreeffamaatti jijjiruun kaayyoo qorannichaa akka galmaan ga’anitti mata duree adda addaatti qooduun mala akkamtaan qaacceffamani jiru.Argannoowwan qorannoo kanaan argamanis,geerarsootni Haacaaluu qabiyyeewwan siyaasaa kan akka haacuccaa, tokkummaa dhabuu,dinagdeen Oromoo sababa saamicha gara garaan midhamuusaa kan ibse ta’uu bira ga’ameera.Haacaaluun geerarsoota isaa keessatti dubbiiwwan haalawaa adda addaa akka nama hawwatuu miidhaksee dhiyeesseera.Keessattuu,Cancalli jechamoota cicciimoo kan gubbaan isaanii jechoota faaya jaalaalaa dubbatan fakkaatanii, keessi isaanii garuu dhugaa hawaasaan guutaman, bu’uura jaallatamummaa geerarsoota Haacaaluu ta’uu bira ga’ameera. Fakkeenyaaf, jechamoota,raaguu,bakka buusa,fuggisoon akkaataa salphaa, nama hawwatuunfi saba Oromoo kakaasuun dhiyaatera.Geerarsootni Haacaaluu Hundeessaa seenaa barsiisu,tokkummaa cimsu,eenyummaa ibsu,gaaffii mirgaa kan dhiyeessan ta’uu hubatameera. Dhuma irratti Geerarsootni Haacaaluu dhaloota keessatti eenyummaa cimsee waan jiruuf,beektonni Oromoo hojii adda addaarra jiran dhalootni akka hin daganneef,ogummaa qabaniin osoo barsiisanii gaarii ta’a.kan jedhu yaboo qorannoo kana keessatti ka’ameedha.