“Xiinxala Mammaaksoota Oromoo Dubartootaa Ilaalchisanii Mammaakaman Ija Yaaxxina Dubartuummaatiin”

Abstract

Kaayyoon gooroo qorannoo kanaa “Mammaaksota Oromoo Dubartoota Ilaalchisuun Mammaakaman Ija Yaaxxina Dubartummaatiin Xinxaaluudha”.Qorannoo kana gaggeessuuf qorattuu kan kakaasee dubartoota ilaalchisanii mammaaksoonni mammaakaman ija yaaxxina Dubartuummaatiin maal akka fakkaatan bira gahuuf akkasumaas mammaaksa Oromoo irraatti yaaxinaa dubartummaatiin qorannoon gageeggaafame waan hin jireef qorattuu kana qorannoo kana akka adeemsiftuuf ishee kakaase. Qorannoon kun mala qorannoo jiran keessaa mala qorannoo akkamtaatti dhimmaa bahuun saxaxa ibsaatiin xiinxalameera.Qorannoo kana gaggeessuf mala iddaatteessuu miti carraafi darbaan dabarsaatti dhimma bahameera.Odeeffaannoo qorannoo kanaaf ishee barbaachisan meeshalee funaansa ragaa kanneen akka Afgaaffii, marii gareefi sakkatta’a dookimeentitti dhimma bahameera. Qorannoo ishee kanaanis argannoowwaan kanneen akka dubartiifi dubartummaan mal akka ta’an akkasumas walqixxuummaan koorniyaa gama siyaasaan, gama dinagdeefi hawaasumatiin maal akka ta’an bira gahameera. Kana malees mammaaksoni cimina dubartootaa ibsan kanneen akka dubartiin faayaa manaatii,haadhaafi lafatu nama baata jedhamn, akkasumaas dadhabina dubartoota ibsan kanneen akka dubartiifi Harreen kan itti fe’aan batti,dubartiifi alagaattii garaa hin gagarsiisaan jedhuufi kanaaf kan kana fakkaatan bira gahameera. Mammaaksonni Oromoo irraa caalaan isaanii gad aantuummaa dubartootaa kan dubbatuudha.Kun immoo ilaalcha hawaasni dur irraa kaasee qabu waan ta’eef osoo mammaaksota cimina dubartootaa ibsan caalaatti cimsaanii irratti hojjetamee gaariidha. Sababni isaa dubartiin hojii kamiyyuu dhiiraan walqixaa hojjaachuu akkasumaas barattees biyya bulchuu waan dandeessuf mammaaksoonni dadhabinaafi dhiiraa gad ta’uu dubartootaa ibsaan osoo fooyya’anii gaariidha. Qorattoonni kanaan booda qorannoo gaggeessan osoo mammaaksa Oromoo Dubartoota ibsaan Yaaxinoota kanneen birootiin adeemsisaanii guddina afaanichaafi ilaalcha namoonni mammaaksaan dubartoota irratti qaban jijjiiruu kan danda’uudha. Akkasumas mammaaksota dubartoota ilaalchisaanii mammaakaman kanneen qorannoo kana keessatti osoo hin tuqaaminifi bira hin gahamin hafe irratti xiyyeeffachuudhaan qorattoonni mata duree qorannoo kanaan walfakkataan qorachuu barbaadaan osoo gad fageenyaan xiinxalanii gaariidha.