Xiinxala Afseenaawwan Oromoo Dubartoota Ilaalchisanii Himaman : Godina Shawaa Lixaa Aanaa Tokkee Kuttaayee Irratti Kan Xiyyeeffate

Abstract

Kaayyoon qorannoo kanaa xiinxala af-seenaa Oromoo dubartoota ilaalchisee himaman Godina Shewaa Lixaa Aanaa Tokkee Kuttayee keessatti akkamiin akka ergaa dabarsu irratti hudaa’uun qoqqooduufii xiinxaluudha.Qorattuun qorannoo kanaaf kan ishee kakaases: yeroo ammaa kana sababa sabahimaalee gara garaatti fayyadamuurraan kan ka’e af-seenaattii baay’inaan fayyadamuun laafaa deemuurraan kan ka’e ergaan af-seenaa keessa jiru dhokatee akka hin hafne xiinxalee barreeffamaan olkaa’uufidha. Kaayyoon qorannoo kanaa, ergaa af-seenaa Oromoo dubartoota ilaalchiisee himaman xiinxaluudha. Maddi ragaa qorannoo kana uummata Aanaa Tokkee Kuttaayee hunda isaan keessa namoota af-seenaa kana irratti hubannoo qabanii jaarsolii umuriin bulaniifi hadholii gandoota aanichaa keessa filataman kan hammteedha. kanaaf yaadxina afoolaa jiran keessaa fiminziimmii buureffadheerra. Qorannoo kana galmaan ga’uuf hirmaattonni beekumsa afoola qabu jedhamanii hawaasa keessatti beekaman 30 ta’an gandoota 10 Aanichaa keessaa mala iddateessuu kaayyeeffata (purposive sampling) fi mala iddatteessuu darbaan dabarsaatii dhimma bahuun dhiiraafi dhalaa irraa filatamanii jiru. Meeshaaleen funaansa ragaalee kan akka afgaaffii hin caaseffammiin, marii garee xiyyeeffannoon faayidaarra oolaniiru. Argannoon irra gahamees, akka ragaaleen malleen kanneeniin funaannaman muldhisanitti, dhimmi dubartoota dhokatee, hundee jabeeffatee, miidhaa kan geessisu afoola keessatti. Af- seenaa hedduun dubartotarratti ergaa siirrii hindabarsani Dubartoonni ga’umsa siyaasa akka hinqabneetti, murtii kennuu akka hindandeenyeetti, akka diinaatti, salphaan gowwoomuufi sababeessuu akka hindandeenyeetti hojii illee dhiiraa qixa hojeechu akka hindandeenyeet seeneffamani. Haa ta’u malee, af-seenaa murtaa’oon dubartiif ergaa sirrii qabanis ni jiru. Af-seenaa cimina dubartii gama hawaasummaan keessatti waldhabbii furuu bakka guddaa qabaachaa akka turte ibsu.Hayyoonni ogbarruu, xiinsammuu, xiinqooqaa falaasama Oromoo irratti hirmaatan dhimma kana xiyyeeffannoo keessa galchuun bifa barreeffamaatiin kaa’uudhaan ergaa isaa hawaasa yoo hubachiisan yaada furmaataa ta’uu danda’a. Gama biroon af seenaan oromoo gara garaa dubartoota ilaalchisanii seeneffaman bifa barreeffamaatiin taa’anii akka hojii irra oollan taasisun qaamoolee dhimmi isaa ilaallatuun osoo furmaatni itti kennamee gaariidha.