Qaaccessa Itti Fayyadama Afaanii Sirboota Anduwalam Gosaa

Abstract

Kaayyoon qorannoo kanaa fayyadama afaanii sirboota Anduwalam Gosaa qaaccessuudha.Malleen qorannoo qorataan dhimma itti bahe saxaxa makaadha. Sababa mala makaa gargaarameefis, qaaccessa keessatti lakkoofsaafi jechaan ibse.Maddi ragaalee qorannoo kanaa dhimma itti bahame madda raga tokkoffaadha. Maddi raga tokkoffaa qorannoo kanaa sirbootuma Anduwalamam Gosaa bara adda adda weellisedha. sirboota kana gara walaloo barreeffamaatti jijjiree akka kuusaa (document) titti dhimmabahe. Sirboota jiran keessaTooftaa iddattessuu miti carraa filatee,Ammargee gargaaramuun sirboota Anduwalam ja’airratti hojjete. Meeshaalee funaansa ragaalee qorannoo kanaa moobaayilaafi laaptooppii (mobile & laptop) dha.Argannoon qorannoo kanaa itti fayyadama afaanii sirboota keessatti argaman filannoo jechootaa,fayyadama malleen dubbiifiamala bu’uuraa caasaa walaloo haammata.Fayyadamni filannoo jechootaa jechoota (756) keessaa (363) yoota’u dhibbentaan (49%)dha. Jechoonni biroo immoo, (393) dha.Kunis dhibbentaan (51%)dha.Kanneenis jechoota waliin deemaan, jechoota faallaa, jechoota afaan biroofi jechoota loogaa jechoota dachaafi irra deddeebiin jechootaati. Malleen dubbii kanneen akka akkasaa, iddeessa, nameessa, eemitifi habalaka sirboota Anduwaalam keessatti buufata walaloo(48) keessaa (45) kan qabu yoota’u dhibbentaan(94%)dha. Kan hin qabne (3) dhibbentaan (6%) dha.Kun immoo, qixa sirriin malleen dubbii kana fayyadamun sirboonni kun akka dhageettii argatan taasiseera. Amala bu’uuraa caasaa walaloo keessatti caasaa sadarkaa birsagaatti jiran Kanneen walunata qaban buufata walaloo(48) keessaa(44) yoota’u dhibbentaan(91%)dha. Kan hiqabne (4) dhibbentaan (9%) dha. Walunaanni kanniin walunata sududaa, sududa dachaa, qeenxee qaxxaamuraa, durdura sagalee haalan qindaa’e qaba.Safara walqixaa kannneen akka: hidhaaguutuu, dachaa qaxxaamuraafi qeenxee qaxxaamuraa qaba. Dhumarratti yaboon qorannoo kanaa dhimmoota itti fayyadama afaanii hojii artii keessatti guddina afaanitiif gahee waan qabuuf artistootni wallee osoo baasiindura ogeessota afaanii osoo ilaalchifatanii barbaachisaadha