Qaaccessa Ergaa Sirboota Haacaaluu Hundeessaa Maal Mallisaa

Abstract

Qorannoon kun kan gaggeeffame sirboota Haacaaluu Hundeessaa mata dureen isaa maalmallisaa jedhamu keessatti haammataman irratti.kaayyoon qorannoo kanaa sirboota mata duree kan jalatti argaman qaaccessuun hiika itti kennuudha.bu’uuruma kanaan sirboonni mata duree kana jalatti haammataman mala iddattoo kaayyeffataatiin filatamanii jiru.qorannoon kunis mala qorannoo akkam ta’aatti fayyadamuun sirboonni mata duree kana jalatti haammataman hundi qaacceffamanii jiru.Qorannoo kana galmaan gahuuf meeshaaleen funaansa ragaa siidiin sagaleen waraabamee jiru gara barreeffamaatti jijjiiruun kaayyoo qorannichaa akka galmaan gahanittimata duree adda addaatti qoqqooduun qaacceffamanii jiru.Argannoowwan qorannoo kanaan argamanis sirboonni Haacaaluu Hundeessaa maalmallisaa qabiyyeewwan kanneen akka siyaasaa,diinagdee,tokkummaa,hacuuccaafi k.k fa’a kan ibse ta’uun bira gahamee jira.sirboonni Haacaaluu Hundeessaa Maalmallisaa jalatti haammataman Seenaa barsiisuu,tokkummaa cimsuufi miira ofitti amanamummaa kan nama keessatti horan ta’uun bira gahamee jira.Walumaa galatti sirboonni Haacaaluu Hundeessaa maalmallisaa gama ogbarruutiin dhalootaaf bu’aa bu’aa guddaa buusuu waan danda’uuf dhaloonni akka hin daganne,hayyoonni gara garaa hojii boonsaa dhalootaaf ta’u akka irratti hojjetan yaboo qorannoo kanaa keessatti ibsamee jira