Xiinxala Sirna Ulmaa Bahuu Dubartii Deessuu: Godina Shawaa Lixaa Aanaa Jibaatirratti Xiyyeeffate

Abstract

Kaayyoon qorannoo kanaa inni guddaan sirna ulmaa bahuu dubartii deessuu xiinxaluudha. Qorannoon kun gosa qorannoo akkamtaatti dhimma kan bahaame yoo ta‟u, gosa qorannoo akkamtaa keessaa mala ibsatti dhimma kan bahameedha.Sababni isaa qorattuun hawaasa bira deemuun odeeffannoo kan walitti qabatte jechaan waan ta‟eef. Qorannoon kun hawaasa aanaa Jibaat irraa odeeffaannoo funaanuun kan hojirraa oleedha. Kunis, ummata Oromoo Aanaa Jibaat gandoota 21 keessa jiraatan keessaa gandoota 4 mala kaayyeeffataatti gargaaramuun kan fudhatamaniidha. Gandoota filatamaan keessaa haadholiifi namoota muuxannoofi hubannoo waa‟ee sirna ulmaa bahuu dubartii deessuu irratti qaban namoota 23 irraa odeeffannoon funaanameera.Malli iddattoo qorannoo kanaa itti filatamees, mala miticarraa keessaa mala kaayyeffataafi mala heerutti gargaaramuun odeeffannoon kan walitti qabameedha. Meeshaaleen funaansa ragaa dhimma itti bahame afgaaffii, marii gareefi daawwanaadha. Akka argannootti, qorannoo kanaan wanti bira gahame: sirna ulmaa bahuu dubartii deessuu adeemsa dahumsaa isa dhumaa ta‟uufi deessuun alatti baatee namatti makamuun hojii misoomaa irratti kan bobbaatu ta‟uu bira gahamera. Akkasumas hirmattoonni sirna ulmaa bahuu dubartii deessuu: amaatii, haadha dubartii deessuu, dubartoota ollaa, dubara ollaa, beera kalaalefi jaarsa guulaa akka ta‟an adda bahameera. Ogafaan sirnicharratti jedhaman ililchuu, eebba, faaruufi weedduu akka ta‟an bira gahameera. Kana malees meeshaaleen sirna kanarratti jiran: okolee, dhakaraa, siiqqeefi caaccuudha. Yaada furmaataa kan ta‟uu qabu uummanni aanaa Jibaatifi Waajirri Aadaaf Turizimii adeemsa ulmaa bahuu dubartii deessuu kana irratti hojjachuun dhaloonni haaraan akka hubannoo gaarii horataniifi aadichi akka hin miidhamne kunuunsa barbaachisaa goochuu qaba.