Xiinxala qabiyyee walaloo sirboota Yoosan Geetahun Diddaa mul‟isan

Abstract

Qorannoon kun kan gaggeeffame walaloo sirboota diddaa mul‟isan irratti yemmuu ta‟u, kaayyoon gooroo qorannoo kana walaloo sirboota Yoosan Geetahun diddaa mul‟isan qabiyyee isaan xiyyeeffataniifi ergaa isaanii xiinxaluudha. Qorannoon kun sirboota Yoosan Geetahuun diddaa mul‟isaan keessaa kanneen suursagaleen dhiyaatan irratti xiyyeeffatame. Haaluma kanaan sirbootni sadi mala iddatteessuu kaayyeeffataa bu‟uureffaachuun filatamananii xiinxalamuun dhiyaataniiru. Qorannoon kun mala qorannoo akkamtaa fayyadamuun kan gaggeeffame yemmuu ta‟u, malli iddatteessuu qorannoo kana keessatti fayyade immoo mala iddatteessuu miti carraa keessaa mala kaayyeeffataati. Maddi ragaa qorannoo kana keessatti hojii irra oole madda ragaa tokkoffaa yemmuu ta‟u, walaloo sirboota qorannoo kana keessatti dhiyaatan, gadifageenyaan dhaggeeffachuufi ilaaluun; xiinxala dookimentii fayyadamuun ragaa barbaachisaa fudhachuun kan gaggeeffamedha. Argannoowwan qorannoo kana keessatti bira ga‟amanis, sirnoota mootummaa adda addaa keessatti dhiibbaa ummata Oromoo irratti raawwatamaa tureefi jiru irratti dhimmoonni adda addaa kanneen akka diddaa dhiibbaa siyaasaa, tokkummaa dhabuu, dhiibbaa hawaasummaa hinbarbaachifnefi haqa dhabsiisuu sirnoota mootummoolee adda addaa keessatti kan raawwatamaa turan ta‟uunsaa ragaalee xiinxalaman irraa hubatamee jira. Gama biroonis,ergaawwan ijoon qorannoo kana keessatti mul‟atan gootummaa Oromoon qabu, tuffii hiriyaa yarturraa daaleen akka wayyu, gadoo kaleessa baasuu, abdii, gorsa, shakkiifi akkeekkachiisa qaama seenaa keessa darbeefi iddoo amma jiru dagatefaa sirboota kana keessaatti ragaalee xiinxalamerraa hubatamee jira. Xummurarratti gumaachi sirbootni diddaa kunneen seenaafi eenyummaa Oromoo ibsuu keessatti qaban kanneen akka, barsiisuu, hubachiisuu, kakaasuu, ijaaruufi kkf ta‟uun, bu‟aa qorannoo kana irraa mul‟atee jira.