Xiinxala Raawwii Sirna Araara Waaqaa: Godina Horroo Guduruu Wallaggaa Aanaa Jimmaa Raaree

Abstract

Qorannoon kun xiinxala raawwii Sirna Araara Waaqaa Hawaasa Oromoo Godina Horroo Guduruu Aanaa Jimmaa Raaree jedhudha. Ka‟umsi qorannoo kanaa dagatamaa deemuu duudhaa araara waaqaafi haala barreeffamaan .dhabamuu sirna araara waaqaati. Kaayyoon gooroo qorannichaa raawwii sirna araara waaqaa xiinxaluu yoo ta‟u; sirna araara waaqaa keessatti duudhaalee sirna kana keessatti mul‟atan xiinxaluudha.Maddi raga qorannoo kanaa; madda ragaa tokkoffaati. Maddi ragaa 1ffaa qorannicha hawaasa Aanaa Jimmaa Raaree keessaa iddattoowwan filataman: Abbootii Gadaa,Manguddoota Abbootiifi Haadholii yemmuu ta‟an, iddattoowwan kanneen filachuuf tooftaalee iddatteessuu miti carraa keessaa mala iddatteessuu kaayyeffataafi darbaa dabarsaatti dhimma bahamee jira. Odeeffannoowwan malleen afgaaffii,marii garee,daawwannaan malleen funaanaman mala lbsaan qaacceffamaniiru. Iddattoowwan filataman irra odeeffannoon tooftaalee funaansa ragaa: Daawwannaa ,Afgaaffiifi Marii garee xiyyeeffateetti dhiimma ba‟uun ragaan funaanaman mala qorannoo akkamtaatiin odeeffannoon qaacceffameera. Qaacceessa ragaa keessatti, yaadiddama Faayideessummaa dhimma ba‟uun ragaan haala walfakkaatuufi rogsadeessuun qaacceffamee argannoo qorannoo kanaa bira ga‟amee jira.Argannoon qorannichaa akka agarsiisutti, sirna raawwii araara waaqaa keessatti duudhaaleen adda addaa mul‟atan;daddarbaa,dhibaayyuu,hoolaa qalmaafa‟aatu sirna kana keessatti mul‟ata. Gosti nyaataafi dhugaatii sirna kanarratti;daabboo,akaayii qorii, farsoo oromootu dhiyaata. Meeshaaleen sirna araara waaqaa irratti dhibaayyuun buqquriifi aannan itti dhiyaatan mi‟oota wullee irraa tolfamanitti yoo ta‟u wulleen kan akka coqorsaa kan hidda dheeratu waan ta‟eef hiddi keessan haa baay‟atu kan jedhutti fakkeeffama. Ukeen dhibaayyuun aannanii itti dhiyaatu urgaa‟ina, bareedinatti fakkeeffama. Afoola sirna araara waaqaa irratti dhiyaatan kadhannaafi eebbadha. Qaamni qorannoo kana hojiirraa oolchuu ndanda‟uu jedhamanii abdatamaniif yaadni furmaataa kennameera