Qaaccessa Asoosama Miilla Hin Sokooksinee: Yaaxina Dhugummaatiin

Abstract

Qorannoon kun asoosama Miilla hin shokoksine ija yaaxina dhugummaatiin xiinxaluu irratti kan hojjetameedha. kaaayyoon qorannoo kanaa inni ijoon asoosama Miilla hin shokoksinee keessatti barreessaan asoosamichaa dhugummaa bu‟ureeffachuun bulchinsa,siyaasa, dhimmoota hawaasummaa kanneen akka afaan, aadaa,amantaa,diinagdeefi safuu akka ibse ija yaaxina dhugummaatiin xiinxaluudha.Qorattuun kaayyoo qabatte kana bira gahuuf mala sakatta‟a hafeetti fayyadamuun asoosama kana irra deddeebi‟uun dubbisuun odeeffannoo mata duree ishee waliin deemuu danda‟an asoosamicha keessaa funaannattee jirti. Odeeffannoo funaannatte kanaas gaaffilee bu‟uuraa irratti hundaa‟uun ija yaaxiina dhugummaatiin xiinxaltee jirti.Adeemsa xinxala kanaa keessattis, barreesichi dhimmoota asoosama kana keessa jiran seenaa addunyaa dhugaa keessatti mul‟ataniin hangam akka wal qabsiisee kaa‟es xiinxalte. Gosti qorannoo itti dhimma bahamee akkamtaa yoota‟u,irraawwatamni qorannchaas asoosama Miilla hin shokoksineedha. Maddi ragaa dhimma itti bahaame madda raga tokkoffaati.Argannoowwan qorannoo kanaa asoosamnii kun dhugummaa hawaasa keessa jiruun kan wal qabatuufi dhugummaa hawaasa keessa gadi fageenyaan ibseera. Kanamalees jechoonni tokko tokko safuu kan hin eegganne ni jiru. Barreessaan asoosama kanaas gocha hawaasa irratti raawwatamaa ture dhugummaa isaa agarsiisuuf jecha yeroo barreesse jechoota kanatti fayyadameera.Kunwaan jiruuf kallattiin fuula duraaf ta‟uu malu barreessitoonni gara fuula duraatti dhimmi ogbarruu Oromoo irratti hojjetan akkataa safuu hawwasaa eeguun dhugaa hawaasichaa ibsuu qabu