Qaacceessa Ergaa Geerarsa Diddaa Roorroo Uummata Oromoo Godina Shawaa Lixaa Aanaa Amboo Irratti Kan Xiyyeeffat

Abstract

Kaayyoon qorannoo kanaa ergaa geerarsa diddaa roorroo uummata Oromoo Aanaa Amboo qaaccessuudha.Qorannichi hawaasni Oromoo aanichaa geerarsa diddaa roorroo keessatti ergaa attami akka dabarfatu beekuuf af-wallaloo hawasichaa funaanuun xiinxaluu ture.Qorannoon kun gosa qorannoo akkamtaa waan ta’eef, jechaan ibsame.Qorannoo kana galmaan ga’uuf, maddi ragaa maanguddoota fi dargaggoota geerarsarratti muuxannoo qaban mala iddatteessuu miti-carraa keessa iddatteessuu akkayyoon filatamaniiru.Odeeffannoo qorannichaaf barbaachisan immoo meeshaalee funaansa odeeffannoo keessaa afgaaffii, fi marii gareetiin walitti qabuun danda’ameera.Dabalataanis, sakkatta’a ragaalee adda addaa gaggeessuun odeeffaannoowwan qorannicha gabbisuu danda’an walitti qabamaniiru.Odeeffannoowwan walitti qabaman kunis mala akkamtaa fayyadamuun bakka lamatti qoqqooduun qaacceffamaniiru. Ragaalee qaacceffaman kanneen bu’ureeffachuun argannoowwan jiran geerarsi diddaa roorroo hawasaa Oromoo cunqursaa diinagdee,siyaasaa fi hawaasummaa of irraa fonqolchuuf tokkuummaafi waliigalteen akka qabsaa’uu ergaa kakaasuu,barsiisuu,onnachiisuu,jajjabeessuufi goorsuu kan dabarsudha.Furmaatni qorannichaa immoo aadaa geerarsa hawaasichaan jaalatamaa tahe kana yeroo yerootti qorachuu fi kunuunsuun dhaloota kallattii qabsiisuun akka itti fayyadaman gochuun gahee waajjira Aadaafi Tuurizimii aanichaa qofa osoo hin taane dammaqina hawaasa hundaa gaafata