Xiinxala Asoosama Dheeraa ‘Aarsaa’: Yaaxxina Seenawaatiin

Abstract

Asoosama afaan Oromootiin barreeffamanii ummata bira ga‟an hedduu yoo ta‟anillee, gama firiiwwan isaanii irratti xiyyeeffachuun qorannoon yoo adeemsifamu bal‟inaan hin mul‟atu. Yaada kana irraa ka‟uun firiiwwan asoosamaa jiran keessaa qorannoon kun yaaxxina seenawaarratti hundaa‟uun gaggeeffamee jira. Kaayyoon qorannoo kanaa inni guddaan asoosama dheeraa „Aarsaa‟: jedhamu keessatti barreessaan asoosama kanaa seenaa gargaaramuun siyaas- diinagdee, aadaa, duudhaa, amantaa, afaan, hawaasummaafi falaasama akkasumas, haala jiruufi jireenya ummata Oromoo ibsuuf yaalan ija yaaxxina seenawaatiin xiinxalamee jira. Kaayyoo qabate bira gahuuf qoratichis mala sakatta‟a yookaan xiinxala barruutti dhimma ba‟uun asoosama kana gadi fageenyaan dubbisee odeeffannoo barbaachisan funaaneera. Adeemsa xiinxala kanaa keessattis, dhimmoonni asoosama filatame keessa jiran haala qabatamaa addunyaa dhugaa keessatti mul‟ataniin hangam akka walsimatan walbira qabuun xiinxalamaniiru. Haaluma kanaan, dhimmoonni hojii kalaqaa tokko keessatti qaban yaaxxinni seenawaa lafa kaa‟eera. Kunis, sakatta‟a barruu jalatti baay‟inaan kaawwamee jira. Yaaxxina seenawaa kana bu‟uureffachuun ragaalee asoosama kana keessaa funaanamanis xiinxalamanii jiru. Dabalataanis, rakkoowwan ummata Oromoorra kallattii garaagaraan irra ga‟aa turan karaa qabatamaafi hubatamuu danda‟aniin hojii kalaqaa xiinxalame kana keessatti kan dhiyaatan ta‟uun isaanii bira gahamee jira.