Xiinxala Asoosama Dheeraa Kabiir Waadoo Gadaa Sabboonaa Oromoo: Ija Yaaxxina Seenawaatiin

Abstract

Qorannoon kun asoosama dheeraa Afaan Oromo‟Kabiir Waadoo Gadaa Sabboonaa Oromoo jedhu irratti, yaaxxina seenawaa fayyadamuun qeeqa geggeeffamedha. Ka‟umsi qorannoo kanaa, asoosamni Afaan Oromoon qophaa‟u tokko hagam seenaa uummata Oromoo calaqqisa kan jedhu xiinxaluun bira ga‟uudha. Gama biraan, kaayyoon gooree qorannoo kanaa haala qabatamaa hawaasaa yeroo asoosamni kun barreeffamee haala kamiin akka dhiyaatanii, hariiroo hawaasummaa fi akkaataa namfakkileen itti bocaman kan jedhu mirkaneessuudha.Qorannoon kun mala qorannoo akkamtaan kan fayyadame yommuu ta‟u, maddi ragaa isaa ammoo kitaabuma qorannoon irratti geggeeffamedha. Iddattoon qorannichaas kitaabilee asoosamaa maxxanfamanii harka namaa gahan keessaa kitaaba asoosamaa Kabiir Waadoo Gadaaa Sabboonaa Oromoo jedhudha. Odeeffannoo barbaachisaan qabxii xiyyeeffannoo qorataan dursee qopheeffate irratti hundaa‟uun kan sassaabame ta‟ee, akkaataa waklfakkeenya isaatiin ragaa sassaabame irratti hiikni kennameera. Hiikni kennames ragaalee irratti hunda‟uun jechaan kan xiinxalameedha.Bu‟uuruma kanaan namfakkiileen akkasumas seeneffamootni asoosama kana keessatti argaman haala siyaasa, dinagdee,hawaasummaa,qabsoo,waa‟ee afaanii ibsuu akka danda‟anitti kan bocaman ta‟uu hubatameera.Gama biraan ammoo kalaqa kana keessatti hariiroo hawaasummaa yeroo asoosamni kun barreeffame kan mul‟ise ta‟uus kan agarsiiseedha. Seenaawwan jiran dhugaa Oromoo kan mul‟isuu danda‟anidha. Argannoo gurguddoo hojii qorannoo kanaa ilaalchisee,dhimmi haala qabatamaa hawaasummaa yeroo asoosamni kun barreeffamuufi hariiroo hawaasummaa yeroo sanaa maal akka fakkaatufi namfakkiileen bocaman bakka bu‟ummaa sirrii kan qaban ta‟uu, seeneffamni asoosamicha keessa jiru dhugaarraa kan fagaate akka hintaaneefi dhiibbaa Oromoo irra ga‟aa ture kan mul‟isu ta‟uu isaa xiinxalameera.Dhumarratti osoo qorattonni seenaa fi afaanii yaaxxina seenawwatti fayyadamuun dhimmoota hawaasaa, seenaa hawaasaa, gama ogumaan jiru ifa basuu fi ta‟insoota seenawaa sirnoota dhufanii darban keessatti rawwachaa turan asoosamoota adda addaa yeroo garaagaratti barreeffaman irratti gaggeessuun hubannoo uummata Oromoof dabarsuun barbachisaa ta‟uu isaa akka yabootti qabateera