Qaacceessa Fakkoommiifi Gochaalee Milkii Ilaallannaa Duudhaa Oromoo: Godina Shawaa Dhihaa Aanaa Amboorratti Xiyyeeffate

Abstract

Axereeraa Qorannoon kun mataduree Gochaaleefi fakkoommii milkii ilaallannaa Oromoo aanaa Ambo jedhurratti qoratame. Kaayyoon qorannoo kanaas gochaaleefi fakkoommii milkii ilaallannaa duudhaa Oromoo.Malli qorannoo qorattuun itti gargaaramte mala qorannoo akkamtaati.Qorannichi madda ragaa tokkoffaatti dhimma baheera.Maddeen kunis,abbootii Gadaafi maanguddoota, haadholii, ogeeyyii WATAA akka aanaa Ambootti waa‟ee gochaaleefi fakkoommii milkii ilaallannaa beekanidha.Malli iddattoo qorannoo kanaas mala iddatteessuu miti-carraa jalaa mala akkaayyoofi darbaa dabarsaadhaan geggeeffame.Meeshaaleen odeeffannoon ittiin funaanname af-gaaffii, marii garee fidaawwannaa namtochee xiyyeeffataadha.Akkaataa gochaaleeniifi fakkoommiin milkii ilaallannaa itti mul‟atan irratti odeeffannoon malleen kanneeniin funaannaman qoqqoodamuun qaacceeffamaniiru.Duudhaa hawaasaa kana keessatti gochootni milkii gaariifi badaa jedhamuun adda bahan:milkii gaariin,biqila ilaallachuu, buna duraa, nama bishaan guutuu baatee namatti dhufu akka fakkeenyaatti yoo ibsaman, gochootni milkii badaa agarsiisan immoo, milkii gaangee dhaltuu, milkii guyyaa gaa‟iilaa namni haguuggatee namatti dhufuu, milkii hamaamonni lama walkeessa qaxaamuruu,akka fakkeenyaatti kaasuun ni danda‟ama. Kanneen alas, gochaalee ijoon milkii ilaallannaa qorannoo kana keessatti adda bahan hedduudha. Akkasumas milkii ilaallachuun abdii, milkii, falaasama Oromoofi duudhaa sabichaa beeksisuu keessatti iddoo olaanaa yoo qabaatullee,yeroo ammaa kana dhiibbaa amantaafi ammayyummaan duudhaan kun laafee akka jiru argannoo qorannnoo kanaan bira gahamanidha. Walumaagalatti,gochaaleefi fakkoommiin milkii ilaallannaa hariiroo hawaasaa, diinagdeefi falaasama hawaasichaa guddisuufi duudhaa hawaasaa kunuunsuuf gahee olaanaa waan qabuuf, osoo dhimma kana caalatti qorachuufi bu‟aa qorannoowwan biroo, waajjirri Aadaafi Turiizimii,Qorattoonni aadaa, hayyoonni garaagaraa gadi fageenyaan qoratanii bifa barreeffamaan osoo taa‟ee gaarii ta‟aan dhaamsa qorattuuti